Billettar for buss

Enkeltbillett er for deg som reiser av og til. For deg som reiser jamnleg, kan det fort lønne seg å kjøpe ein periodebillett. Det finns periodebillettar for buss, periodebillettar for hurtigbåt, og periodebillettar som gir fri reise med buss og hurtigbåt i heile Møre og Romsdal fylke.

Sjekk kor mange soner du skal reise gjennom på sonekartet, og finn deretter prisen i pristabellen.

Soner og sonekart

Enkeltbillett for buss

Tabellen nedanfor viser ordinær takst for enkeltbillett for buss. Kjøper du enkeltbillett om bord på bussen, må du betale eit ombordtillegg. Ombordtillegget er 20 kroner for vaksne og 10 kroner for studentar og personar i førstegangsteneste. Det er ikkje ombordtillegg for barn og honnør.

Pristabell NOR enkeltbillett buss 2024
Soner / Kategori	Vaksen	Barn / Honnør / Førstegongsteneste	Student
1	46	23	46
2	92	46	92
3	138	69	92
4	184	92	92
5	275	138	138
6	459	229	229
7	505	252	252
8	551	275	275
9	597	298	298

Om billetten

Slik fungerer billetten

Enkeltbilletten gjeld for éi reise i den eller dei sonene du har kjøpt billett for.
Om du reiser i éi sone, kan du reise tur/retur på same billett, viss gyldigheitstida på billetten ikkje er gått ut.
Enkeltbillett for éi sone er gyldig 1 time og 30 minutt frå du aktiverer den. Gyldigheitstida aukar med 1 time og 30 minutt for kvar ekstra sone du kjøper billett for, med maksimal gyldigheitstid 10 timar.
Om du reiser frå ei sone til ei anna sone, kan du ikkje reise tur/retur på same billett. Då er billetten berre gyldig på den reisestrekninga du har valt, éin veg.
Billetten kan brukast på nattbussen og kostar det same som på dagtid.
Billetten kan brukast på FRAM sine bussar i Møre og Romsdal, altså på det offentlege kollektivtilbodet.
Billetten gjeld ikkje på flybussen i Ålesund, andre kommersielle busslinjer eller annan transport som ikkje er ein del av det offentlege kollektivtilbodet. Her er det nokre unntak, desse kan du lese meir om under “Reiser inn og ut av Vestland”.

Gjennomgåande billett og overgang

Gjennomgåande billett

Når du reiser kollektivt i Møre og Romsdal, skal du så langt det er mogleg få kjøpe ein samla billett for heile reisa, sjølv om du eventuelt skal bytte transportmiddel undervegs. Dette betyr at du betaler for heile reisa på førehand eller på første transportmiddel. Dette heiter ein gjennomgåande billett.

Finn ut korleis du kjøper billett.

Overgang

Du kan bytte til andre transportmidlar (overgang) i dei sonene billetten gjeld for, så lenge det er tid igjen på billetten når du går på transportmiddelet. Har tida på billetten gått ut før du er om bord, treng du å kjøpe ny billett for å reise vidare.

Når du har ein gjennomgåande billett, har du «fri» overgang, det betyr at du ikkje må kjøpe billett på kvart transportmiddel. Du kan også bruke denne billetten til å reise vidare i den siste sona som står på billetten, så lenge tida på billetten ikkje har gått ut.

Eksempel: Har du kjøpt ein billett frå Ålesund til Molde, kan du reise vidare med bybussane i Molde på same billett.

Billetten gjeld ikkje for retur på ei reise som er lengre enn ei sone, sjølv om tida på billetten ikkje har gått ut.

Eigne reglar for hurtigbåtlinje 800 mellom Trondheim og Kristiansund

Reglane til FRAM for overgang gjeld ikkje om bord på hurtigbåtlinje 800 mellom Trondheim og Kristiansund. Denne strekninga høyrer til kollektivtilbodet til AtB i Trøndelag. Her kan du finne nettstaden til AtB.

Reiser inn til eller ut av Møre og Romsdal med buss

For reiser inn og ut av Trøndelag og reiser inn og ut av Vestland, sjå informasjon under soner og sonekart.

Periodebillett for buss

Periodebillett for buss er ein sonebasert billett som er gyldig for eit uavgrensa tal reiser i den perioden billetten er kjøpt for, for den eller dei sonene billetten gjeld for.

Kategoriar og gyldigheit

Det finns periodebillett for 30 dagar, 7 dagar og 24 timar.
Periodebillett 30 dagar er tilgjengeleg i kategoriane vaksen, barn, honnør og student.
Periodebillett 7 dagar og 24 timar er ikkje tilgjengelege for kategorien student.
Når du skal kjøpe ein periodebillett, vel du den haldeplassen eller den sona du vil reise frå og den haldeplassen eller sona du vil reise til, og så vil systemet rekne ut billettprisen for deg.
Du kan reise så mykje du vil med buss i dei sonene du har kjøpt billett for, ikkje berre til og frå dei haldeplassane du har valt.
Du kan bruke periodebilletten på FRAM sine bussar i Møre og Romsdal, altså på det offentlege kollektivtilbodet, inkludert FRAM sine nattbussar.
Billetten gjeld ikkje på flybussen i Ålesund, andre kommersielle busslinjer, eller annan transport som ikkje er ein del av tilbodet frå FRAM.
Periodebillett buss gjeld ikkje for overgang til hurtigbåt. Då må du kjøpe tilleggsbillett for hurtigbåten, eller ha ein periodebillett for heile fylket.
Du kan ikkje bruker periodebillett for buss på bestillingstransport.

På reiser som går inn i eller ut frå Trøndelag må du kjøpe tilleggsbillett for den delen av reisa som går i Trøndelag. Unntaket er tidlegare Halsa og Rindal kommunar, der du kan bruke periodbillettar frå FRAM.

For reiser inn til og ut av Vestland kan du bruke periodebillett frå FRAM på enkelte strekningar og avgangar.

Les meir om reiser inn og ut av fylket.

Prisar for periodebillett 30 dagar

Pristabell NOR 30 dagar periodebillett buss 2024
Soner / Kategori	Vaksen	Barn 6-17 år / Honnør / Student
1	678	407
2	939	563
3 eller fleire	1627	978

Prisar for periodebillett 7 dagar

Pristabell NOR 7 dagar periodebillett buss 2024
Soner / Kategori	Vaksen	Barn 6-17 år / Honnør
1	223	134
2	310	186
3 eller fleire	536	321

Prisar for periodebillett 24 timar

Pristabell NOR 24 timar periodebillett buss 2024
Soner / Kategori	Vaksen	Barn 6-17 år / Honnør
1	136	81
2	188	113
3 eller fleire	325	195

Periodebillett for heile fylket

Periodebillett for heile fylket er for deg som reiser litt oftare over større avstandar i fylket med hurtigbåt og buss.

FRAM har fire typar periodebillettar for heile fylket: FRAM Ung, FRAM Student, FRAM Vaksen og FRAM Honnør.

FRAM Ung (450 kroner)

FRAM Ung er for ungdom og unge vaksne til og med 24 år, altså fram til den dagen du fyller 25 år.
Billetten er gyldig i 30 dagar frå datoen billetten er kjøpt eller frå datoen du aktiverer den.
Du kan reise uavgrensa med FRAM sine bussar og hurtigbåtar, altså med det offentlege kollektivtilbodet i Møre og Romsdal.
Du kan bruke FRAM Ung på FRAM sine nattbussar.
Billetten gjeld ikkje på flybussen i Ålesund, andre kommersielle busslinjer/båtruter eller annan transport som ikkje er ein del av det offentlege kollektivtilbodet.

Dersom du skal reise inn eller ut av Møre og Romsdal, må du kjøpe tilleggsbillett for den delen av reisa som skjer i eit anna fylke. Det er to unntak:

Du kan bruke FRAM Ung når du reiser med FRAM Ekspress i tidlegare Halsa og Rindal kommunar. For alle andre reiser inn til eller ut av Møre og Romsdal, må du kjøpe tilleggsbillett for den delen av reisa som skjer i eit anna fylke.
På hurtigbåtrute 800 mellom Kristiansund og Trondheim kan du bruke FRAM Ung mellom Kristiansund og Kjørsvikbugen. FRAM Ung kan ikkje lesast av på billettlesaren om bord i denne hurtigbåten. Ta derfor vare på kjøpskvitteringa og vis fram denne saman med FRAM Ung-billetten din. Skal du reise lenger enn Kjørsvikbugen, må du kjøpe billett hos AtB.

FRAM Student (570 kroner)

FRAM Student er for studentar til og med 29 år, altså fram til den dagen du fyller 30 år.
Billetten er gyldig i 30 dagar frå datoen billetten er kjøpt eller frå datoen du aktiverer den.
Du kan reise uavgrensa med FRAM sine bussar og hurtigbåtar, altså med det offentlege kollektivtilbodet i Møre og Romsdal.
Du kan bruke FRAM Student på FRAM sine nattbussar.
Billetten gjeld ikkje på flybussen i Ålesund, andre kommersielle busslinjer/båtruter eller annan transport som ikkje er ein del av det offentlege kollektivtilbodet.
Du kan bruke FRAM Student når du reiser med FRAM Ekspress i tidlegare Halsa og Rindal kommunar. For alle andre reiser inn til eller ut av Møre og Romsdal, må du kjøpe tilleggsbillett for den delen av reisa som skjer i eit anna fylke.
FRAM Student gjeld ikkje på hurtigbåtrute 800 mellom Kristiansund og Trondheim.

FRAM Vaksen (2190 kroner)

FRAM Vaksen er for deg som er over 18 år.
Billetten er gyldig i 30 dagar frå datoen billetten er kjøpt eller frå datoen du aktiverer den.
Du kan reise uavgrensa med FRAM sine bussar og hurtigbåtar, altså med det offentlege kollektivtilbodet i Møre og Romsdal.
Du kan bruke FRAM Vaksen på FRAM sine nattbussar.
Billetten gjeld ikkje på flybussen i Ålesund, andre kommersielle busslinjer/båtruter eller annan transport som ikkje er ein del av det offentlege kollektivtilbodet.
Du kan bruke FRAM Vaksen når du reiser med FRAM Ekspress i Halsa og Rindal. For alle andre reiser inn til eller ut av Møre og Romsdal må du kjøpe tilleggsbillett for den delen av reisa som skjer i eit anna fylke.
FRAM Vaksen gjeld ikkje på hurtigbåtrute 800 mellom Kristiansund og Trondheim.

FRAM Honnør (570 kroner)

FRAM Honnør er for deg som er over 67 år eller som reiser med eit gyldig honnørbevis.
Billetten er gyldig i 30 dagar frå datoen billetten er kjøpt eller frå datoen du aktiverer den.
Du kan reise uavgrensa med FRAM sine bussar og hurtigbåtar, altså med det offentlege kollektivtilbodet i Møre og Romsdal.
Du kan bruke FRAM Honnør på FRAM sine nattbussar.
Billetten gjeld ikkje på flybussen i Ålesund, andre kommersielle busslinjer/båtruter eller annan transport som ikkje er ein del av det offentlege kollektivtilbodet.
Du kan bruke FRAM Honnør når du reiser med FRAM Ekspress i Halsa og Rindal. For alle andre reiser inn til eller ut av Møre og Romsdal må du kjøpe tilleggsbillett for den delen av reisa som skjer i eit anna fylke.
FRAM Honnør gjeld ikkje på hurtigbåtrute 800 mellom Kristiansund og Trondheim.

Soner / Kategori	Vaksen	Barn / Honnør / Førstegongsteneste	Student
1	46	23	46
2	92	46	92
3	138	69	92
4	184	92	92
5	275	138	138
6	459	229	229
7	505	252	252
8	551	275	275
9	597	298	298

Soner / Kategori	Vaksen	Barn / Honnør / Førstegongsteneste	Student
1	46	23	46
2	92	46	92
3	138	69	92
4	184	92	92
5	275	138	138
6	459	229	229
7	505	252	252
8	551	275	275
9	597	298	298