Inkludert i billetten: 

• Handbagasje med samla vekt på inntil 20 kg
• Inntil to kolli på totalt maksimum 30 kg 

Større gods kan takast med i den grad det er plass. 

Vi ber dei som reiser med bussane om å ta omsyn til andre reisande, og følgje reglane som gjeld for bagasje.

Her er dei viktigaste reglane

• Handbagasje. Reisende kan fritt ta med lett handterlige gjenstandar med samla vekt inntil 20 kg for kvar billett. Bagasjen må ikkje sjenere dei andre reisande eller hindre på- og avstiging.
• Anna reisegods. Etter skjønn kan det takast med tyngre eller større gjenstandar eller bagasje i den utstrekning plassen tillèt det og vognbetjeninga finn det forsvarleg. Slike gjenstander skal takast med etter anvisning av vognbetjeninga. 

• Sykkel kan takast med mot betaling som for barn 6-17 år på buss. På hurtigbåt kan sykkel takast med gratis.
• Unntak: Det er gratis å reise med samanslåtte syklar og små sparkesyklar som enkelt kan tas under armen.
• Det er sjåføren eller mannskapet som avgjer om det er plass. Syklar og liknande kan ikkje prioriterast dersom det er fullt. 

Hund på buss

Hund kan reise om bord på alle bussane. For hund betaler du takst som for barn 6-17 år. Førarhund, politihund og annan tenestehund som er i aktiv teneste, kan reise utan eigen billett.

FRAM Ekspress

• Reisande med hund skal sitte lengst bak i bussen.
• Dersom det er reisande om bord med sterk allergi, kan sjåfør be reisande med hund om å vente på neste avgang.
• Dersom det er reisande om bord med sterk redsel for hund, kan sjåføren be reisande med hund om å vente på neste avgang.
• Dersom hunden er til sjenanse for andre reisande, kan sjåføren be eigaren om å forlate bussen med hunden.
• Ved siste avgang for dagen, kan vi ikkje avvise reisande med hund.

Hund på hurtigbåt

På hurtigbåtane skal hund bli frakta i eiget bur/kasse når dei skal vere i salongen om bord på hurtigbåten. Om hunden ikkje er i eigen bur/kasse, skal han vere på eiget angitt område utanfor salongen, anvist av mannskapet.

Reglane skal sikre at hunden ikkje kjem i kontakt med stolar, tepper og liknande i salongen av omsyn til allergikarar og andre reisande. Reglane gjeld ikkje for førarhunden saman med ein blind/svaksynt, nyttehund og politihund. 

Hund på ferje

På ferjene gjeld reglane reiarlaget som køyrer ferja har for hund. Kontakt mannskapet om bord for å høyre kva reglane er.

Katt

Du må betale barnebillett for katt om bord i buss og hurtigbåt. Katten må være i bur eller veske om bord i bussen eller hurtigbåten. For øvrig gjeld same reglar som for hund.  

Vi ønsker at bussturen skal vere fin og triveleg for alle. Det betyr at vi må ta omsyn til medpassasjerane våre, også når det gjeld mat og drikke.

Husk at varm drikke i beger utan lokk kan vere farleg for andre passasjerar, og at mat med sterk lukt kan vere sjenerande. Matsøl og søppel er svært utrivelig for oss alle.

Dette kan du ikkje ta med på bussen

• Drikke i opne beger (gjeld både kalde og varme drikker)
• Varm mat
• Iskrem
• Potetgull, baconcrisp og liknande produkt  

Dette kan du ta med på bussen

• Matpakke med brødskiver med pålegg som ikkje luktar sterkt
• Baguette med «tørt» pålegg
• Drikke i beger med lokk
• Drikke på flaske med kork/topp
• Sjokolade, drops og liknande
• Frukt 

• Bli sett. Bruk refleksen òg der det er lys i gata.
• Hald avstand. Hald minst ein meter avstand til bussane i bevegelse ved haldeplassane.
• Gi teikn. Tidleg og tydeleg teikn hjelper sjåføren når du skal stoppe bussen.
• Først av, så på. Ver høfleg og ta omsyn til andre reisande som skal gå av eller på.
• Ver klar. Ha FRAM-appen, reisekortet og anna betaling klar før du går om bord.
• Hald eventuell legitimasjon/dokumentasjon du treng for rabatterte billettar klar når du går om bord.
• Gå samla. Når éin person skal betale for fleire, gå samla om bord.
• Ha gyldig billett. Å reise utan er flaut og kan koste deg dyrt.
• Tenk tryggheit. Ikkje gå i bussen under kjøring.
• Bruk setebelte i bussane som har det og festereim for barnevogn.
• Tenk på andre. Unngå høglydte og lange telefonsamtalar i bussen.
• Del gjerne plassen din med nokon som treng han meir enn deg.
• Hald bussen rein. Unngå søling eller rot med drikke og mat om bord.
• Ha beina på golvet, ikkje i setet kor andre skal sitte.
• Ta generelt omsyn til andre reisande. Det er så lite som skal til for at reisa blir hyggeleg for alle.