Billettar for hurtigbåt

• Enkeltbillett hurtigbåt gjeld for ei enkelt reise, frå kai til kai.
• Billetten kan brukast på FRAM sine hurtigbåtar i Møre og Romsdal, altså på det offentlege kollektivtilbodet. Den gjeld ikkje på andre kommersielle båtlinjer eller annan transport som ikkje er ein del av det offentlege kollektivtilbodet. 

Gjennomgåande billett

Når du reiser kollektivt i Møre og Romsdal, skal du så langt det er mogleg få kjøpe ein samla billett for heile reisa, sjølv om du eventuelt skal bytte transportmiddel undervegs. Dette betyr at du betaler for heile reisa på førehand eller på første transportmiddel. Dette heiter ein gjennomgåande billett.

Overgang

Du kan bytte til andre transportmidlar (overgang) i dei sonene billetten gjeld for, så lenge det er tid igjen på den når du går på transportmiddelet. Har tida på billetten gått ut før du er om bord, treng du å kjøpe ny billett for å reise vidare.

Når du har ein gjennomgåande billett, har du «fri» overgang, dvs. at du ikkje må kjøpe billett på kvart transportmiddel. Du kan også bruke denne billetten til å reise vidare i den siste sona som står på billetten, så lenge tida på billetten ikkje har gått ut.

Eksempel: Har du kjøpt ein billett frå Ålesund til Molde, kan du reise vidare med bybussane i Molde på same billett.

Billetten gjeld ikkje for retur på ei reise som er lengre enn ei sone, sjølv om tida på billetten ikkje har gått ut.

Eigne reglar for hurtigbåtlinje 800 mellom Trondheim og Kristiansund

Reglane til FRAM for overgang gjeld ikkje om bord på hurtigbåtlinje 800 mellom Trondheim og Kristiansund. Denne strekninga høyrer til kollektivtilbodet til AtB i Trøndelag. Her kan du finne nettstaden til AtB.

• Det finns periodebillett for 30 dagar, 7 dagar og 24 timar. 
• Periodebillett 30 dagar er tilgjengeleg i kategoriane vaksen, barn, honnør og student.
• Periodebillett 7 dagar og 24 timar er ikkje tilgjengelege for kategorien student.
• Når du kjøper ein periodebillett, vel du den kaia du vil reise frå og den kaia du vil reise til, og så vil systemet rekne ut billettprisen for deg. 
• Billetten kan brukast på FRAM sine hurtigbåtar i Møre og Romsdal. Den gjeld ikkje på andre, kommersielle båtlinjer.
• På hurtigbåtlinje 800 mellom Kristiansund og Trondheim må du kjøpe periodebillett hos AtB. 

• FRAM Ung er for ungdom og unge vaksne til og med 20 år, altså fram til den dagen du fyller 21 år.
• Kan du dokumentere at du kjøpte og aktiverte billetten før du fylte 21 år, kan du fortsette å bruke billetten.
• Billetten er gyldig i 30 dagar frå datoen billetten er kjøpt eller frå datoen du aktiverer den.
• Du kan reise uavgrensa med FRAM sine bussar og hurtigbåtar, altså med det offentlege kollektivtilbodet i Møre og Romsdal.
• Du kan bruke FRAM Ung på FRAM sine nattbussar. 
• Billetten gjeld ikkje på flybussen i Ålesund, andre kommersielle busslinjer/båtruter eller annan transport som ikkje er ein del av det offentlege kollektivtilbodet.

Dersom du skal reise inn eller ut av Møre og Romsdal, må du kjøpe tilleggsbillett for den delen av reisa som skjer i eit anna fylke. Det er to unntak:

• Du kan bruke FRAM Ung når du reiser med FRAM Ekspress i tidlegare Halsa og Rindal kommunar. For alle andre reiser inn til eller ut av Møre og Romsdal, må du kjøpe tilleggsbillett for den delen av reisa som skjer i eit anna fylke.
• På hurtigbåtrute 800 mellom Kristiansund og Trondheim kan du bruke FRAM Ung mellom Kristiansund og Kjørsvikbugen. FRAM Ung kan ikkje lesast av på billettlesaren om bord i denne hurtigbåten. Ta derfor vare på kjøpskvitteringa og vis fram denne saman med FRAM Ung-billetten din. Skal du reise lenger enn Kjørsvikbugen, må du kjøpe billett hos AtB.

• FRAM Student er for studentar til og med 29 år, altså fram til den dagen du fyller 30 år.
• Kan du dokumentere at du kjøpte og aktiverte billetten før du fylte 30 år, kan du fortsette å bruke billetten.
• Billetten er gyldig i 30 dagar frå datoen billetten er kjøpt eller frå datoen du aktiverer den.
• Du kan reise uavgrensa med FRAM sine bussar og hurtigbåtar, altså med det offentlege kollektivtilbodet i Møre og Romsdal.
• Du kan bruke FRAM Student på FRAM sine nattbussar.
• Billetten gjeld ikkje på flybussen i Ålesund, andre kommersielle busslinjer/båtruter eller annan transport som ikkje er ein del av det offentlege kollektivtilbodet.
• Du kan bruke FRAM Student når du reiser med FRAM Ekspress i tidlegare Halsa og Rindal kommunar. For alle andre reiser inn til eller ut av Møre og Romsdal, må du kjøpe tilleggsbillett for den delen av reisa som skjer i eit anna fylke.
• FRAM Student gjeld ikkje på hurtigbåtrute 800 mellom Kristiansund og Trondheim.

• FRAM Vaksen er for deg som er over 18 år.
• Billetten er gyldig i 30 dagar frå datoen billetten er kjøpt eller frå datoen du aktiverer den.
• Du kan reise uavgrensa med FRAM sine bussar og hurtigbåtar, altså med det offentlege kollektivtilbodet i Møre og Romsdal.
• Du kan bruke FRAM Vaksen på FRAM sine nattbussar.
• Billetten gjeld ikkje på flybussen i Ålesund, andre kommersielle busslinjer/båtruter eller annan transport som ikkje er ein del av det offentlege kollektivtilbodet.
• Du kan bruke FRAM Vaksen når du reiser med FRAM Ekspress i tidlegare Halsa og Rindal kommunar.  For alle andre reiser inn til eller ut av Møre og Romsdal må du kjøpe tilleggsbillett for den delen av reisa som skjer i eit anna fylke.
• FRAM Vaksen gjeld ikkje på hurtigbåtrute 800 mellom Kristiansund og Trondheim.

• FRAM Honnør er for deg som er over 67 år eller som reiser med eit gyldig honnørbevis.
• Billetten er gyldig i 30 dagar frå datoen billetten er kjøpt eller frå datoen du aktiverer den.
• Du kan reise uavgrensa med FRAM sine bussar og hurtigbåtar, altså med det offentlege kollektivtilbodet i Møre og Romsdal.
• Du kan bruke FRAM Honnør på FRAM sine nattbussar.
• Billetten gjeld ikkje på flybussen i Ålesund, andre kommersielle busslinjer/båtruter eller annan transport som ikkje er ein del av det offentlege kollektivtilbodet.
• Du kan bruke FRAM Honnør når du reiser med FRAM Ekspress i tidlegare Halsa og Rindal kommunar. For alle andre reiser inn til eller ut av Møre og Romsdal må du kjøpe tilleggsbillett for den delen av reisa som skjer i eit anna fylke.
• FRAM Honnør gjeld ikkje på hurtigbåtrute 800 mellom Kristiansund og Trondheim.