• Barn under 6 år som ikkje reiser aleine, reiser gratis (unnatak barnehage* på tur og skoleskyss)
• Barnebillett: Frå 6 år til og med 17 år
• Vaksenbillett: Frå 18 år til og med 66 år
• Honnørbillett: Honnørbilletten gjeld for personar 67 år og eldre, uføre med uførepensjon etter folketrygdloven, personar med honnørkort frå NAV, og blinde. Denne billetten gjeld òg for ektefelle, registrert partnar og sambuar som reiser i følge med ein person med rett til honnørbillett. Honnørrabatten kan ikkje kombinerast med andre rabattar. Du må kunne vise fram godkjent legitimasjon ved bruk av honnørrabatten.

* Barnehagane kan reise med bussane utan å betale for barna på bussavgangar etter kl. 09.00 og før kl. 13.00. På hurtigbåt gjeld egne reglar. Du finn meir informasjon om dette under avsnittet om “Gruppe”. 

• Er du elev/student på heiltid ved ein norsk vidaregåande skole, høgskole, universitet og andre godkjende undervisningsinstitusjonar kan du få studentrabatt.
• Studentpris gjeld for elevar ved vidaregåande skole og fulltidsstudentar til
  og med 29 år. 
• Er du norsk statsborgar med gyldig studiebevis og betalt semesteravgift frå ein utanlandsk studiestad, kan du og få studentrabatt. ANSA-kort er ikkje gyldig dokumentasjon.
• Studentrabatt gjeld i tillegg for deg som er ein utanlandsk statsborgar som studerer i Noreg og som har gyldig legitimasjon, studentbevis og kvittering på betalt semesteravgift.
• Lærlingar kan kjøpe billettar med studentrabatt mot framvising av lærlingbevis. Innlogga brukar i VIGO app for fagopplærling, benyttast som gyldig lærlingbevis.
• For å få studentrabatt, må du ha med gyldig skolebevis/studentbevis (kort eller på mobil) med kvittering for betalt semesteravgift.
• Studiebevisa frå studiestaden blir rekna som gyldige ut januar for haustsemesteret, og ut august for vårsemesteret.
• Studentrabatt gjeld ikkje personar som tek norskopplæring.

Studentrabatt på periodebillett

Studentrabatt på periodebillett for buss

Reisande som har rett på studentrabatt, får 40 prosent rabatt på periodebillett 30 dagar for buss. Det er ikkje studentrabatt på periodebillett 7 dagar og periodebillett 24 timar for buss. 

Er du under 25 år og reiser to eller fleire sonar, lønner det seg å kjøpe FRAM Ung.

Er du student under 30 år og reiser tre eller fleire sonar, lønner det seg å kjøpe FRAM Student.

Studentrabatt på periodebillett for hurtigbåt

Reisande som har rett på studentrabatt, får 50 prosent rabatt på alle periodebillettar for hurtigbåt. Gjeld periodebillett 30 dagar, 7 dagar og 24 timar.

Studentrabatt på enkeltbillett

Det er ingen studentrabatt på enkeltbillett for ei eller to soner.  

Reisande som har rett på studentrabatt, får 33 prosent rabatt på reiser over 3 soner og 50 prosent rabatt på enkeltbillett for reiser frå og med 4 soner. Dette gjeld for reiser med alle FRAM sine bussar, også reiser som går inn i eller ut av Trøndelag og Vestland. 

Gyldig bevis

Eit gyldig bevis skal ha namn, fødselsdato, bilde av studenten og studiestad som stadfestar at du er student dette semesteret. Eit tips er å laste ned appen Studentbevis+ frå Google Play eller App Store, eller appen PocketID frå Google Play eller App Store.

Reisande med eit særskilt behov kan reise saman med ledsager. Ledsageren treng ikkje eigen billett, men må vise fram eit ledsagerbevis. Dette beviset skal vere skrive ut av kommunen kor personen som treng ledsager, er busett.

Ei gruppe på fleire enn ti personar som reiser samla på hurtigbåt og kjøper samla billett, får 30 prosent rabatt på enkeltbillettane.

Rabatten for gruppe gjeld berre vaksne og barn, ikkje for eksempel vernepliktige eller reisande med honnørrabatt. Desse reisande kan velje å bli inkludert i gruppa, slik at den blir stor nok til å få rabatt. (Dette kan vere den billigaste løysinga.)

Det er ikkje grupperabatt på bussreiser.

Her finn du meir informasjon om Gruppereiser.

Familierabatt på buss

På bussreiser laurdag, søndag og heilagdagar (med unntak av 17. mai), kan du som er i kategoriane vaksen eller honnør ha med inntil fire barn under 18 år gratis så lenge  reisestrekninga er lik og er innanfor éi sone.

Der det er krav om barnesete, har bussane eit begrensa tal barnesete tilgjengeleg. Viss du reiser med fleire små barn på slike bussar, anbefalar vi at du tar med bilpute.

Kjøp av billett med familierabatt

Når du skal nytte familierabatten på buss, må du kjøpe ein ordinær enkeltbillett for vaksen eller honnør til deg sjølv. Du treng ikkje billett til barna, dei blir registrert på bussen. 

Du kan kjøpe billett i FRAM-appen eller om bord på bussen. Hvis du kjøper billetten om bord, får du eit ombordtillegg på 20 kroner viss du er i kategorien vaksen. Det er ikkje ombordtillegg for kategorien honnør.

Familierabatt på hurtigbåt

På hurtigbåtane blir det gitt familierabatt når ein familie (far/mor og barn 6-17 år) reiser saman og løyser felles billett om bord. Alle familiemedlemmer får 25 prosent rabatt på enkeltbillett. Barn under 6 år reiser gratis.

Personar som er inne til førstegongsteneste får 50 prosent rabatt på enkeltbillett vaksen mot framvising av tenestebevis, innkallingsbrev, studentbevis frå krigsskolen eller blått ID-kort frå Forsvaret. 

Ved å vise fram gyldig Interrail-/Eurail-billett får du 50 prosent rabatt på den ordinære vaksenbilletten på togbussane FRAM Ekspress linje 420 Åndalsnes-Molde og FRAM Ekspress linje 681 Åndalsnes-Ålesund.

For reisende utan bil er det gratis å ta ferje.  Meir informasjon om kva du må betale for ferjereisa finn du her.