FRAM har ikkje eit eige, dedikert flybusstilbod. Det er likevel tilbod om offentleg transport til og frå alle flyplassane i fylket unntatt Ålesund lufthavn. I Ålesund er et eit kommersielt flybusstilbod.

Finn rutetider i reiseplanleggaren

Søk på haldeplass, adresse eller område i reiseplanleggaren for å finne rutetider.

Reiseplanleggar

Kristiansund lufthavn (Kvernberget)

I Kristiansund kan du ta desse linjene mellom flyplassen og sentrum:

• Linje 801 Løkkemyra-Kristiansund lufthavn
• Linje 802 Dale-Kristiansund lufthavn  

Du som kjem med buss frå andre stader enn Kristiansund eller skal til andre stader enn Kristiansund med buss, kan ta drosje mellom Kristiansund lufthavn og enkelte FRAM-linjer til same pris som for ein enkeltbillett for ei sone.

Når du kjem om bord på bussen må du be sjåføren om å bestille overgang til drosje.  

Dette tilbodet gjeld for følgande busslinjer:

• Linje 100/101 FRAM Ekspress Kristiansund-Molde-Ålesund-Volda
• Linje 901 FRAM Ekspress Kristiansund-Oppdal  
• Linje 905 Trondheim-Kristiansund-Molde
• Linje 821 Kristiansund-Tustna-Aure-Kjørsvikbugen

Du bytter mellom drosje og buss enten ved Seivika-krysset eller ved Futura:

• På veg til Kristiansund lufthavn kan du gå av bussen ved Seivika-krysset og deretter bruke drosje til flyplassen. Du kjøper billett til drosjeturen hos bussjåføren når du går på bussen.
• På veg frå Kristiansund lufthavn kan du bruke drosje og stanse turen ved Futura for overgang til rutene 100/101, 901, 905 og 821. Her betaler du prisen for drosjeturen til drosjesjåføren.

Molde lufthavn (Årø)

Nokre bussar køyrer ned til terminalen ved Molde lufthavn og stoppar utanfor 1. etasje. I tillegg køyrer vi på hovudvegen ovanfor flyplassen. Hovudvegen ligg berre 450 meter frå terminalen.

Kart over gangveg mellom Molde lufthavn og hovudvegen (PDF, 666 kB).

Ålesund lufthavn (Vigra)  

I Ålesund er det eit kommersielt flybusstilbod til Moa og Ålesund sentrum og til Valderøya hurtigbåtkai. Du får opp informasjon om desse bussane i reisesøk i FRAM sin reiseplanleggar. 

FRAM sine bussar har ingen haldeplassar i gangavstand frå flyplassen.

Ørsta-Volda lufthamn (Hovden)

Til og frå Ørsta-Volda lufthamn Hovden går det ordinær buss på dagtid til og frå Ørsta og Volda. På kveld og helg er det tilbod om bestillingstransport med drosje til og frå sentrale områder i Volda og Ørsta.

Les meir om bestillingstransporten.