FRAM har ikkje eit eige, dedikert flybusstilbod. Det er likevel tilbod om offentleg transport til og frå alle flyplassane i fylket unntatt Ålesund lufthavn. I Ålesund er et eit kommersielt flybusstilbod.

Finn rutetider i reiseplanleggaren

Søk på haldeplass, adresse eller område i reiseplanleggaren for å finne rutetider.

Reiseplanleggar

Kristiansund lufthavn (Kvernberget)

I Kristiansund kan du ta desse linjene mellom flyplassen og sentrum:

• Linje 801 Løkkemyra-Kristiansund lufthavn
• Linje 802 Dale-Kristiansund lufthavn  

Du som kjem med buss frå andre stader enn Kristiansund eller skal til andre stader enn Kristiansund med buss, kan ta taxi mellom Kristiansund lufthavn og enkelte FRAM-linjer til same pris som for ein enkeltbillett for ei sone.

Når du kjem om bord på bussen må du be sjåføren om å bestille overgang til taxi.  

Dette tilbodet gjeld for følgande busslinjer:

• Linje 100/101 FRAM Ekspress Kristiansund-Molde-Ålesund-Volda
• Linje 901 FRAM Ekspress Kristiansund-Oppdal  
• Linje 905 Trondheim-Kristiansund-Molde
• Linje 821 Kristiansund-Tustna-Aure-Kjørsvikbugen

Du bytter mellom taxi og buss enten ved Seivika-krysset eller ved Futura:

• På veg til Kristiansund lufthavn kan du gå av bussen ved Seivika-krysset og deretter bruke taxi til flyplassen. Du betaler eigendelen for taxituren til taxisjåføren.
• På veg frå Kristiansund lufthavn kan du bruke taxi og stanse turen ved Futura for overgang til rutene 100/101, 901, 905 og 821. Du betaler eigendelen for taxituren til taxisjåføren, merk at du må gi beskjed i taxien om at du skal reise med bussen.

Molde lufthavn (Årø)

Nokre bussar køyrer ned til terminalen ved Molde lufthavn og stoppar utanfor 1. etasje. I tillegg køyrer vi på hovudvegen ovanfor flyplassen. Hovudvegen ligg berre 450 meter frå terminalen.

Kart over gangveg mellom Molde lufthavn og hovudvegen (PDF, 666 kB).

Ålesund lufthavn (Vigra)  

I Ålesund er det eit kommersielt flybusstilbod til Moa og Ålesund sentrum og til Valderøya hurtigbåtkai. Du får opp informasjon om desse bussane i reisesøk i FRAM sin reiseplanleggar. 

FRAM sine bussar har ingen haldeplassar i gangavstand frå flyplassen.

Ørsta-Volda lufthamn (Hovden)

Til og frå Ørsta-Volda lufthamn Hovden går det ordinær buss på dagtid til og frå Ørsta og Volda.