Innfartsparkering

Innfartsparkering er parkeringsplassar som er meint for pendlarar som køyrer til eit knutepunkt og tar buss vidare derifrå. I samarbeid med Ålesund Parkering har vi tilbod om innfartsparkering på Moa i Ålesund.

Innfartsparkering for bussreisande på Moa

Aust for svømmehallen på Moa er eit område med om lag 60 parkeringsplassar reservert for pendlarar som køyrer til Moa og tar buss vidare derifrå.

Kjøp billett for buss + parkering i Flexipark-appen

For å kjøpe billett for buss + parkering må du laste ned FlexiPark-appen. I appen vel du «Parkeringsavtale», deretter «Bestill parkeringsavtale» og det alternativet som passar for deg. Du får då ein «billett» (Aktiv avtale) i appen som gjeld som billett på bussen. Du viser denne billetten til sjåføren når du går på bussen.

Billetten gjeld parkering og for førar av bil. Er det fleire i bilen som skal reise med buss, må dei andre passasjerar løyse eigen bussbillett.

Vi tilbyr no tre ulike variantar av billett for buss + parkering, eller parkeringsavtale som det heiter i FlexiPark-appen:

Parkering Moa + buss 1 sone, 92 kroner

Dagsparkering på Moa pluss bussreise tur-retur innanfor sone Ålesund. Omfattar kommunane Ålesund, Sula, Giske og Haram.

Gyldigheit: 12 timar frå kjøpstidspunkt.

Parkering Moa + buss 2 soner, 184 kroner

Dagsparkering på Moa pluss bussreise frå sona du er i (Ålesund) inn i tilgrensande sone og tilbake. Tilgrensande soner er Molde (Vestnes, Aukra, Molde, Hustadvika), Søre Sunnmøre (Vanylven, Volda, Ørsta, Hareid, Ulstein, Herøy og Sande), og Indre Sunnmøre (Stranda, Fjord og Sykkylven).

Gyldigheit: 20 timar frå kjøpstidspunkt

Parkering Moa + buss 3 soner, 278 kroner

Parkering inntil 30 timer på Moa pluss bussreise frå sona du er i (Ålesund) og i 2 soner i tillegg (tur-retur). Eksempel er reise via sone Molde (Vestnes, Aukra, Molde, Hustadvika) til sone Romsdal (Rauma kommune) eller via sone Molde til sone Kristiansund (Averøy, Gjemnes, Kristiansund, Tingvoll).

Gyldigheit: 30 timar frå kjøpstidspunkt

Er du pendlar med periodebillett for buss kan du også bruke desse plassane

Har du gyldig periodebillett for buss, kan du også bruke desse plassane. Det gjeld uansett kor du skal reise til med buss frå Moa.

Du må plassere utskrift/bilde av gyldig periodebillett eller lesbar kvittering på kjøp av periodebillett, godt synleg gjennom frontruta på køyretøyet.