Dryna ferjekai er stengt frå og med torsdag 19. februar til og med onsdag 4. mars 2026. I denne perioden går det ikkje ferje mellom Dryna og Brattvåg. Årsaka er arbeidet med overgang frå gammal til ny brubås på Dryna ferjekai.
For å handtere auka trafikk blir MF Eira sett inn på rute 1058 Solholmen–Mordalsvågen frå og med kvelden 19. februar. Grunnen er at alt av køyretøy mellom Midsund/Oterøya og fastlandet må køyre via Solholmen–Mordalsvågen i denne perioden. Det blir passasjertransport mellom Midsund og Brattvåg til arbeidet med Dryna ferjekai er ferdig.
Reisande bør rekne med meir trafikk enn vanleg og planlegge reisa i god tid.
For oppdatert ruteinformasjon, bruk reiseplanleggaren på frammr.no og i FRAM-appen.