Frå 1. januar blir det auka prisar for dei fleste billettypar, og auken utgjer i gjennomsnitt 4,3 %. Dette motsvarar indeks for kommunal deflator som settast i statsbudsjettet. Billettinntektene går i sin heilheit tilbake til kollektivtilbodet i Møre og Romsdal.
- Billettinntektene er viktige for at vi framleis skal ha et attraktivt kollektivtilbod. Også kollektivtrafikken har fått auka kostnadar slik som mange andre tenester i samfunnet, seier leiar i FRAM marknad, Toril Karlsnes.
Uendra pris for ungdom
Prisen på FRAM Ung blir uendra med 450 kr for 30-dagarsbillett. Denne billetten gjeld for buss og hurtigbåt i heile fylket. Det kan vere verdt å merke seg at andre billettypar kan vere billegare dersom ein ikkje har behov for å reise i større delar av fylket.
FRAM honnør blir nytt produkt
Frå 1. januar introduserast billetten FRAM Honnør. Denne vil koste 570 kr for 30 dagar.
- Å tilby eit slikt produkt til denne aldersgruppa vil kunne auke attraktiviteten med å ta buss, seier Karlsnes.
- Ny funksjonalitet i nettbutikk gjer det også mogleg for andre, for eksempel eit familiemedlem, å kjøpe dette produktet «på vegne av», slik at terskelen blir låg.
Prisar buss 2024:
Sone | Enkeltbillett Vaksen | Enkeltbillett Barn/Honnør | Periodebillett Vaksen | Periodebillett Barn/Honnør |
1 | 46 | 23 | 678 | 407 |
2 | 92 | 46 | 939 | 563 |
3 | 138 | 69 | 1627 | 976 |
4 | 184 | 92 | 1627 | 976 |
5 | 275 | 138 | 1627 | 976 |
6 | 459 | 229 | 1627 | 976 |
7 | 505 | 252 | 1627 | 976 |
8 | 551 | 275 | 1627 | 976 |
9 | 597 | 298 | 1627 | 976 |
Prisar buss hurtigbåt 2024:
For full oversikt over alle delstrekningar, sjå billettar og prisar.
Strekning | Enkeltbillett Vaksen | Enkeltbillett Barn/Honnør | Periodebillett Vaksen | Periodebillett Barn/Honnør |
Hareid - Ålesund | 130 | 65 | 2 201 | 1 101 |
Langevåg – Ålesund | 73 | 37 | 1 763 | 882 |
Hamnsund - Ålesund | 115 | 58 | 2 128 | 1 064 |
For reisande som brukar både buss og hurtigbåt, vil det i mange tilfelle vil lønne seg å kjøpe FRAM Vaksen eller FRAM Ung.