FRAM: Salskontoret i Kristiansund leggast ned

FRAM legg ned salskontoret i Fosnagata i Kristiansund sentrum med virkning frå og med onsdag 9. oktober. Reisande skal i staden få hjelp av sjåfør om bord i bussen, eller ved å kontakte kundesenter via nett eller telefon.  

Årsaka til nedlegginga er den økonomiske situasjonen til Møre og Romsdal fylkeskommune, saman med flytting til nye lokalar på Campus Kristiansund.  

Salskontoret har vore viktig for kundar som føretrekker personleg service til kjøp av bussbillettar, seier Toril Karlsnes, leiar i FRAM Marknad.  

Det er leit at kontoret skal leggast ned, men vi skal framleis gi kundane våre god hjelp og vil gjere det så enkelt som mogleg å kjøpe billettar.  

Det finnast fleire enkle måtar å kjøpe billettar på:

  • På bussen: Sjåføren kan hjelpe med å kjøp av enkeltbillettar og påfylling av periodekort.
  • App og nettbutikk: Billettar kan kjøpast direkte i FRAM-appen eller i nettbutikken på frammr.no.
  • Telefon og kontaktskjema: Kundesenter kan kontaktas via kontaktskjema på frammr.no eller telefon 71 28 01 00.  

Oppdaterte rutetider og anna informasjon finn du på frammr.no og i FRAM-appen.