Reisegarantien gjeld ikkje for ferjene. Reisegarantien gjeld heller ikke for flybussen i Ålesund eller andre kommersielle busslinjer.
Reisegaranti for buss
Det er viktig for oss at du kjem deg dit du skal, når du skal. Det kan likevel oppstå forseinkingar eller anna avvik i kollektivtilbodet, då vil vi:
- gje deg best mogleg informasjon om kva som skjer.
- så tidleg som mogleg gi deg informasjon om anna transport/reisevegar.
- i den grad det er praktisk mogleg, sette opp alternativ transport for deg.
For å søke om refusjon, må du levere reisegarantiskjema og kvitteringar seinast 1 månad etter hendinga.
Søk om reisegaranti
Om vi ikkje kan tilby deg alternativ transport, vil vi refundere dokumenterte utlegg til drosje, eigen bil eller anna alternativ transport, dersom bussen på avgangshaldeplassen blir meir enn:
- 20 minutt forseinka på reiser under 1 time. Vi refunderer inntil 550 kroner.
- 40 minutt forseinka på reiser mellom 1 og 3 timar. Vi refunderer inntil 825 kroner.
- 60 minutt forseinka på reiser over 3 timar. Vi refunderer inntil 1100 kroner.
Refusjon gjeld berre kilometergodtgjersle. Refusjonen dekkjer ikkje bompengar, parkering eller utgiftar til leigebil. Dersom fleire reiser saman, er det berre føraren som kan sende inn krav om refusjon.
Lengre reiser
På reiser over 3 timar, kor forseinkinga fører til at du ikkje når fram før dagen etter, kan du få dekka faktiske kostnader til overnatting. Dette må på førehand være klarert av FRAM kundesenter.
Reisegarantien gjeld
- ved alle avvik som det ikkje er informert om på førehand
- for enkeltreiser og ved overgang på reisene dine.
Reisegarantien gjeld ikkje om det er 20 minutt eller mindre til neste avgang ifølge rutetabell.
Reisegarantien gjeld heller ikkje om forseinkinga eller innstillinga skjer på grunn av forhold utanfor kontrollen til FRAM eller operatøren. Dette er tilfelle som (for eksempel):
- offentlege påbod og forbod
- streik og liknande
- naturkatastrofar
- ekstraordinære vêrforhold
- vegarbeid eller uførutsette problem med køyrevegen
- større arrangement eller andre trafikale forhold som i stor grad rammar kollektivtrafikken
- pandemi
Reisegarantien omfattar heller ikkje tap som følge av forseinkinga, som for eksempel mista tannlegetime, jobbavtale, togavgang eller flyavgang.
Reisegarantien for busstransporten er bygd på den anbefalte bransjestandarden frå 2015, utarbeidd av Kollektivtrafikkforeningen og NHO Transport.
Reisegaranti for hurtigbåt
Det er viktig for oss at du kjem deg dit du skal, når du skal. Det kan likevel oppstå forseinkingar eller anna avvik i kollektivtilbodet, då vil vi:
- Gje deg informasjon om kva som skjer seinast innan 30 minutt etter fastsett avgangstid.
- Gje deg informasjon om anna alternativ transport.
For å fremje krav om refusjon må du levere reisegarantiskjema og kvitteringar seinast 2 månader etter hendinga.
Søk digitalt om reisegaranti.
Om vi ikkje kan tilby deg ny reiserute vil vi dekke utlegg til drosje eller anna alternativ transport dersom du blir meir enn:
- 30 minutt forseinka på reiser under 1 time med inntil 750 kroner
- 60 minutt forseinka på reiser mellom 1 og 3 timar med inntil 1000 kroner
- 90 minutt forseinka på reiser over 3 timar med inntil 1500 kroner
Refusjon ved forsinka eller innstilt avgang:
Retten til refusjon gjeld ved innstilt avgang eller forseinking med meir enn 90 minutt. I tillegg skal du anten få:
- Refusjon for betalt billett innan 7 dagar, eller
- ny reiserute til same pris og reisevilkår
- Informasjon om ny reiserute innan 30 minutt. Om du ikkje får informasjon innan 30 minutt, kan du i staden velje alternativ transport og få dekt utgiftene etter gjeldande satsar for refusjon.
Kompensasjon ved forseinka framkomst:
Ved forseinka framkomst kan du krevje kompensasjon for billettprisen etter følgande satsar:
- Ein time forseinka på reiser inntil fire timer. Vi refunderer 25 % av billetten.
- To timer forseinka på reiser frå fire til åtte timer. Vi refunderer 25 % av billetten.
Dette gjeld også for deg som reiser med periodebillett, og har vore ramme av forseinka framkomst meir enn tre gonger i løpet av ein månad.
Er forseinkinga meir enn det dobbelte refunderer vi 50 % av billetten.
Kompensasjon under 50 kroner blir ikkje utbetalt.
Reisegarantien gjeld ikkje dersom:
- Det er 30 minutt eller mindre til neste avgang ifølge rutetabellen.
- Dersom det er informert om forseinkinga eller innstilling av avgangen på nettsida til FRAM, eller anna egna stad, før avgangstid.
Reisegarantien gjeld heller ikkje om forseinkinga eller innstillinga skjer på grunn av forhold utanfor kontrollen til FRAM eller operatøren. Dette er tilfelle som (for eksempel):
- islagde fjorder
- sterk vind og strømmer
- ulykker som operatøren ikkje kan bli lasta for
- landsomfattande streik
- offentleg påbod og forbod
- pandemi
Reisegarantien omfattar heller ikkje tap som følge av forseinkinga, som for eksempel mista tannlegetime, jobbavtale, togavgang eller flyavgang.
Reisegarantien for hurtigbåttransporten er bygd på den anbefalte bransjestandarden frå 2021, utarbeidd av Kollektivtrafikkforeningen, som bygger på EU nr. 1177/2010.
Relatert informasjon