Ofte stilte spørsmål om appen, nettbutikken, prisar og soner

For detaljert rettleiing kan du sjå hjelp til appen, som gir trinnvise instruksjonar for det grunnleggande i appen.

Her er nokre steg du kan prøve:

1. Start appen på nytt: Lukk appen heilt, og opne den igjen. 
2. Start telefonen på nytt: Slå av telefonen og slå den på igjen. 
3. Oppdatere appen: Sjekk om du har den nyaste versjonen av appen i App Store eller Google Play.
4. Logg inn på nytt: logg heilt ut av appen, og logg inn igjen.

Vi anbefaler at du slår på automatisk oppdatering i telefoninnstillingane dine.

Om dette ikkje hjelper, ta kontakt med vårt kundesenter via kontaktskjemaet.

I appen vil avgangar i sanntid ha ein grøn prikk framfor seg. Tidspunkt utan grøn prikk er rutetida. 

For å sjå rutetida for ein avgang som viser sanntid, kan du trykke på den og sjå planlagt rutetid streka over. 

Om du ønsker å slette kontoen din kan dette gjerast i appen. Gå til Min profil og vidare til Rediger min profil. Der finn du ein knapp som heiter Slett min profil. 

Merk: Ikkje slett prfilen din om du har aktive billettar. Bruk opp billettane først, eller ta kontakt med kundesenteret om du har krav på refusjon. Aktive billettar forsvinn om du slettar profilen din. 

Nei, det er ikkje mogleg å fylle pengar på ein konto i FRAM-appen. For dette ventar vi på ei løysing frå ein tredjepart. 

Du kan derimot kjøpe billettar og sende dei til andre i FRAM-appen. Meir informasjon om korleis du kjøper billett til andre finn du her. 

Du kan også kjøpe periodebillett på vegne av andre i FRAM sin nettbutikk. 

Du kan slette og administrere favorittar under fana “Min profil” i appen. 

Opnar den digitale lommeboken på telefonen seg når du skal lese av billetten på lesaren om bord, kan du forsøke å skru på “begrensa tilgang” på iPhone.

På telefoner med Android, kan du forsøke å skru av kontaktløs betaling (NFC) i telefoninnstillingane.

Her finn du informasjon om korleis du brukar nettbutikken til FRAM.

Dersom personen allereide har tilknytta eit reisekort til sin eigen kundeprofil hos FRAM, anbefaler vi at personen brukar billettane sine til dei er utløpt. Når alle billettane er utløpt kan dei slette reisekortet frå profilen sin. Deretter kan du leggje til den andre personen som ein ny person på din eigen profil, og leggje til den andre personen sitt reisekort der. Du vil då kunne kjøpe nye billettar på vegne av den andre personen. 

Om du mistar billetten din, kan vi berre hjelpe deg om kortet ditt er registrert hos oss. Eit reisekort du har kjøpt på bussen er eit uregistrert kort, og du må etterregistrere det for at vi skal kunne hjelpe deg, til dømes om du mistar kortet ditt. 

Når du etterregistrerer kortet ditt via nettbutikken, må du svare på eit kontrollspørsmål for å verifisere at kortet er ditt. Sjå bilete under for meir informasjon om korleis dette gjerast. 

Dette fungerer berre for hovudkontoen din p.t. Om du skal registrere eit kort for å kjøpe periodebillett til andre i husstanden, under “Kjøp for andre”, må du inntil vidare sende ein førespunad til kundesenteret vårt via kontaktskjemaet for å få hjelp til å registrere kortet.

Som privatperson kan du kjøpe for inntil 10 andre personar frå din eigen profil. 

Privatpersonar: Det er ikkje lenger mogleg å sende noko med bussane våre som privatperson, grunna sikkerheit og framføringstid. 

Bedrifter: Bedrifter kan sende pakker med FRAM sine bussar og hurtigbåtar med førehandskjøpte fraktmerke. 

Du finn meir informasjon om pris og vilkår her.

Som passasjer reiser du alltid gratis i Møre og Romsdal. I tillegg er fleire ferjesamband i Møre og Romsdal også gratis for bil.

Meir informasjon om betaling på ferje finn du her. 

Har du for eksempel periodebillett i Ålesund og skal reise ein tur til Kristiansund, kjøper du enkeltbillett for sonene etter Ålesund. Du må da kjøpe enkeltbillett for Sone Molde og Kristiansund i tillegg. 

Om du har kjøpt billetten i appen, må du huske å validere enkeltbilletten når du passerer sonegrensa. 

Vi har analysert masse data frå vårt system for å gjere det enklast mogleg for våre reisande. Det er blitt sett nøye på reisemønster til arbeidsreisande, slik at færre slepp å krysse sonegrensa til og frå jobb. Og vi håper at sonene er enklare å forstå. Sonestrukturen er sett av Fylkestinget, og er politisk bestemt. Det same gjeld takstnivået (pris per sone). 

Nei. Billetten i FRAM-appen eller på reisekortet ditt kjøpast for bruk i ei valt sone (eller soner). Har du billett i app eller på reisekortet, vil det ikkje lyse grønt på lesaren/scannaren om bord om du går om bord i ei sone du ikke har billett i. 

På bussreiser laurdag, søndag og heilagdagar (med unntak av 17. mai), kan du som er i kategoriane vaksen eller honnør ha med inntil fire barn under 18 år gratis, så lenge reisestrekninga er lik og er innafor ei sone. 

Du kjøper ein vanleg enkeltbillett i appen og leser av/scannar billetten som vanleg, eller kjøpar om bord hos sjåfør (da kjem eit tillegg på 20 kroner som eit påslag på prisen). 

Eksempel for vaksen innafor 1 sone:

Om du reiser meir enn fire turar innafor ei sone i uka, lønner det seg med periodebillett framfor enkeltbillett.

Enkeltbillett 50 kroner x 4 turar x 4 veker = 800 kroner.

Periodebillett 30 dagar kostar 777 kroner.

Eksempel for vaksen innafor 2 soner:

Om du reiser meir enn tre turar innafor to soner i uka, lønner det seg med periodebillett framfor enkeltbillett.

Enkeltbillett 99 kroner x 3 turar x 4 veker = 1188 kroner.

Periodebillett 30 dagar kostar 1113 kroner.

I Møre og Romsdal er bortimot alle bussar og båtar utstyrt med bankterminalar. I tillegg kan du betaler med kontantar. Men sjølv om du kan kjøpe billett om bord, ønsker vi helst at du skal kjøpe billett på førehand gjennom app eller nettbutikk. 

Ombordtillegget er eit tiltak for å gjere kollektivtrafikken meir punktleg. Difor er det viktig at flest mogleg kjøper billett på førehand. Da kjem alle raskare frem. Og det er billegare. 

Tilbodet er på grunn av eit vedtak i Trøndelag fylkeskommune. Det er inngått avtale om at dei som reiser med FRAM sine linjer innanfor Trøndelag, får same takst som elles i Trøndelag. 

• For å få “Trøndertakst” må ein kjøpe billett i AtB-appen, og denne billetten skal manuelt sjekkast og registrerast av sjåfør på aktuell strekning. Kjøper ein billett om bord, vil ein ikkje få “trøndertakst”. 
• AtB-billetten gjeld kun for reiser innafor Trøndelag. Skal du reise mellom Trondheim og ein destinasjon i Møre og Romsdal kjøper du billett hos FRAM. 
• Det er ikkje mogleg å kombinere ein AtB-billett med ein billett frå FRAM. Skal du reise frå Trondheim til ein stad i Møre og Romsdal, kjøpast billetten for heile strekninga hos FRAM. 

Nei, du kan ikkje lenger bruke FRAM-billettar på avgangane til det kommersielle tilbodet til Vy mellom Ålesund og Nordfjordeid. Du må bestille billetten på førehand av Vy og det er Vy sine ordinære prisar som gjeld.

Ja, på to avgangar.  På VY430 Bergen-Ålesund-Bergen kan du bruke ein periodebillett frå FRAM på avgangane under utan å betale for ein ekstra billett:

• avgangen klokka 07.35 frå Ørsta/Volda til Ålesund/Moa (måndag-fredag)
• avgangen klokka 15.35 frå Ørsta/Volda til Ålesund/Moa (måndag-fredag)

På andre avgangar, gjeld Vy sine ordinære prisar, og billetten må du bestille på førehand av Vy.

Skoleelevar med eit gyldig skoleskyssbevis kan bruke linje 430 også på avgangane under utan å betale for ein ekstra billett:

• avgangen klokka 11.02 frå Ålesund/Moa til Ørsta/Volda (måndag-fredag)
• avgangen klokka 18.25 frå Ålesund/Moa til Ørsta/Volda (måndag-fredag)