Om bestillingstransport
Bestillingstransport kan vere transport til eller frå knutepunkt for buss, hurtigbåt, ferje eller fly, det kan vere tilbod som gjer at du kan reise til eit kommunesenter eller servicesenter for å handle eller gjere andre ærend, og det kan vere tilpassa kultur- eller fritidstilbod. Tilbodet er litt ulikt frå område til område. Bestillingstransporten er open for alle, men kveldstilbod natt til laurdag og søndag er primært meint for unge under 23 år.
Tilbodet blir ikkje køyrt
- på offentlege fridagar/heilagdagar
- i perioden 23.12 til og med 01.01.
Unntaket er flyplasstransporten i Ørsta and Volda, som også er tilgjengeleg i juleperioden og i påska.
Vi tilbyr bestillingtransport i desse områda
Bestille på nett
Du kan bestille på nett fram til bestillingsfristane som er oppgitt i brosjyrene for kvart område.
- Bestillingsfristen er to timar før avreise for dei fleste ruter og 1 time for nokre turar med kort køyreveg.
- For turar som går før kl. 10.00 om morgonen, er bestillingsfristen kl. 19.00 kvelden før.
Bestille på telefon
Du kan bestille på telefon i opningstida til FRAM Kundesenter - 08.00-15.30.
- Turar tysdag - fredag som startar før kl. 10.00, må bestillast seinast kl. 15.30 dagen før.
- Turar som startar før kl. 10.00 på måndag og alle turar på helg må bestillast seinast kl. 15.30 fredagen før.
- Når du bestiller på telefon, må du ringe minimum 10 minutt før bestillingsfristen slik at personen på kundesenteret rekk å legge inn bestillinga i systemet før tidsfristen går ut. Systemet tillét ikkje at det blir lagt inn bestillingar etter fristen som er sett.
- Vaksen: kr 50,00.
- Honnør og barn 6-17 år (fram til dagen dei fyller 18 år): kr 25,00.
- Barn under 6 år reiser gratis i følge med vaksne.
Det er ikkje studentrabatt på bestillingstransport.
Du betaler til sjåføren med kort eller kontantar. Periodebillettar gjeld ikkje på bestillingstransport.
- Du må bestille på førehand. Turen køyrer berre når nokon har bestilt.
- Bestillingar blir samordna, slik at turen kan gå innom fleire hente- eller leveringspunkt på vegen. Køyretida kan derfor variere.
- Bestillingstransporten gjeld i et definerte område. Du kan berre bli henta og levert innanfor dette området.
- Du må vere klar 5 minutt før avtalt hentetidspunkt.
- Møter du ikkje til turen som er bestilt, vil vi fakturere deg for utgiftene vi har med bestillinga/turen