Vil du reise med FRAM sine bussar, ferjer og hurtigbåtar, kan du bruke reiseplanleggaren på denne nettsida. 

Reiseplanleggar 

Du kan også søke etter rutetider og kjøpe billett i FRAM-appen. 

Kjøpe billett om bord

Du kan også kjøpe billett om bord. Når du kjøper billett om bord på buss eller hurtigbåt, må du betale eit ombordtillegg for vaksne (20 kroner) og studentar og personar i førstegongsteneste (10 kroner). Ferje er gratis viss du ikkje har med eige køyretøy. 

Sjekk prisar for reiser med buss, hurtigbåt og ferje. 

Treng du litt hjelp til å finne fram? Vi har gjort det enkelt for deg! Gjennom vårt “Travel like the locals”-konsept tilbyr vi “fedigpakka” turar med kollektivtransport.

Vi har sett saman dei mest populære reiserutene i området og gjort det enkelt å bestille turen på nett. Du får éin billett som gjeld heile reisa og ei turbeskriving som gir deg avgangstider, informasjon om bytte av transportmiddel og litt om turen og reisemålet.

For mange av turane finns det også ein audioguide du kan laste ned på mobiltelefonen. Guiden har tekst, bilde og opplesing av informasjon om interessepunkt undervegs på turen.

Les meir og bestill din tur 

• Du kan ta med sykkel på buss og hurtigbåt dersom det er plass. Det er sjåføren eller mannskapet som avgjer om det er plass på den aktuelle avgangen.
• På buss må du betale barnetakst for sykkel og større sparkesyklar. Samanleggbare syklar og små sparkesyklar som enkelt kan tas under armen, kan du ta med gratis.
• På hurtigbåt kan du ta med sykkel eller sparkesykkel gratis.
• På ferge kan du ta med sykkel eller sparkesykkel gratis.

Sykkeltransport gjennom tunnelar

I Møre og Romsdal er det mange tunnelar som det ikkje er lov å sykle gjennom. Nokre stader finns det alternative vegar for sykkel, men andre stader er syklistar avhengig av transport gjennom tunnelane. 

Der det går rutebuss gjennom tunnelane, er det mogleg å ta med sykkel på bussen, så framt det er plass. Det er ikkje mogleg å førehandsbestille plass til sykkel.

Nasjonal sykkelrute1 / EuroVelo1 (Atlanterhavsruta)

Nasjonal sykkelrute 1/EuroVelo 1 har fått namnet Atlanterhavsruta. Ruta går langs kysten og over fleire øyar mellom Ålesund og Kristiansund, og gir ein unik nærkontakt med havet og kystlandskapet. Ruta inneheld fleire hurtigbåt- og ferjesamband.

Gjennom Atlanterhavstunnelen ved Kristiansund er det ikkje tillate å sykle. Det finns to alternativ for syklistar som skal gjennom Atlanterhavstunnelen:

• Med rutebuss: inntil to syklar per avgang så framt det er plass.
• I drosje med sykkelstativ: inntil tre syklar per drosje. Gjeld frå 1. mai til og med 30. september. Du kan bestille drosjetransport ved å ringe FRAM Kundesenter på telefon 71 28 01 00 i opningstida som er måndag-fredag 08.00-16.00.