Vi har tidlegare kommunisert at 1. august vil vere sluttdatoen for verdidelen på reisekortet, men datoen er no forlenga til 1. november for å få tid til å finne eit godt alternativ for barn og andre som ikkje kan bruke app eller bankkort til å kjøpe billetten.

Derfor vil vi gjerne at du tar kontakt dersom det er eit problem for deg eller andre i familien o.l. at verdidelen forsvinn, for å forstå betre kva behova er. Her kan du sende inn tilbakemeldinga om bruk av verdidelen.

Fram til 1. november kan du fortsette å fylle på med verdi, sjekke saldo og betale for billetten med verdien om bord på bussane og hurtigbåtane eller på trafikkterminalane.

Har du igjen verdi på reisekortet i november, treng du å fylle ut refusjonsskjemaet og sende inn. Eller du kan besøke ein av trafikkterminalane for hjelp.

Etter 1. november kan du fortsette å bruke det fysiske reisekortet i plastikk til periodebillettar du kjøper i nettbutikken, på trafikkterminalane og om bord på bussane og hurtigbåtane, som tidlegare.