Informasjon om ny nettbutikk
No har vi ein ny nettbutikk. Nettbutikken følgjer krava til universell utforming, som gjer det enklare for fleire å bruke nettbutikken. Her får du vite kva nettbutikken betyr for deg som kunde.
Den nye nettbutikken har fleire fordelar
- Det er enklare og raskare å kjøpe periodebillett.
- Dei som er svaksynte kan bruke den betre fordi den oppfyller krava til universell utforming.
- Det er ein ny funksjon som heiter «Kjøp for andre». Den kan du bruke om du skal kjøpe periodebillettar for familiemedlemmar eller andre. Det er også mogleg å kjøpe periodebillettane FRAM Ung, FRAM Student og FRAM Vaksen med denne funksjonen.
- Vi kan halde deg oppdatert og sende e-post når vi kjem med nye billettprodukt eller nye funksjonar i nettbutikken.
- FRAM kan aktivt forbetre og utvide den nye nettbutikken framover.
Kva betyr dette for deg
- I nettbutikken må du rekne med litt ekstra tid første gongen, til å opprette ein ny brukar og registrere reisekortet ditt, eller bestille eit reisekort.
- Har du fått eit nytt reisekort, treng du å oppdatere kva for kortnummer som er registrert i nettbutikken.
- Vi har dei same periodebillettane for bussen som før, i tillegg er FRAM Ung, FRAM Student og FRAM Vaksen lagt til i nettbutikken. Periodebillett 24 timar og billett til hurtigbåt blir tilgjengeleg seinare.
- Det er ikkje mogleg å fylle på eller sjekke verdidelen av reisekortet i nettbutikken. Du kan framleis gjere det om bord på bussane, hurtigbåtane eller trafikkterminalane. Eller du kan bruke den nye funksjonen «Kjøp for andre» dersom du kjøper billettar for familiemedlemmar eller andre.
- Det er berre nettbutikken som blir endra i denne lanseringa. Det er inga endring i appen eller om bord på bussane og hurtigbåtane no.
Ofte stilte spørsmål
Her har vi samla ofte stilte spørsmål og svar om nettbutikken, reisekort og verdidelen.
Kva må eg gjere for å ta i bruk ny nettbutikk?
Bruk den same knappen «Nettbutikken» på framsida her på frammr.no. Den vil føre deg til den nye nettbutikken. Der får du informasjon om kva du skal gjere.
Du må opprette ein ny brukar første gong du skal kjøpe billett i den nye nettbutikken. Ha klar e-postadressa di, reisekortet og bankkort/betalingsinformasjon. Hjelp til å kome i gang med å bruke nettbutikken.
Kvifor kan eg ikkje fylle på verdidel i nettbutikken?
Verdidelen er ei utdatert og tungvint betalingsform i dei fleste situasjonar. Den var nyttig før - då ein ikkje kunne betale med bankkort på bussen og hurtigbåten og ikkje kunne kjøpe billett i appen. Kjøp med verdidel krev også mer tid frå sjåfør/mannskap.
Verdidelen vil derfor bli fasa heilt ut 1. november 2023 (datoen er forlenga frå 1. august). Etter dette kan du ikkje lenger betale frå verdidelen. Fram til då kan du fylle på verdidelen om bord på buss, hurtigbåt eller på trafikkterminal, og bruke av verdien til å betale med.
Vi veit at nokre av våre kundar ikkje har bankkort eller app. Vi vil jobbe for å finne eit anna alternativ, men då må vi forstå betre kva behova er.
Derfor vil vi gjerne ha kontakt dersom dette er eit problem for deg eller andre i familien o.l. Her kan du sende inn tilbakemeldinga om bruk av verdidelen.
Mista eg pengane på verdidelen?
Nei. Pass på å bruke opp saldoen innan 1. november 2023 (datoen er forlenga frå 1. august).
Etter 1. november kan du få refundert beløpet ved å fylle ut og sende inn skjemaet for refusjon til FRAM Kundesenter.
Kanskje den nye funksjonen «Kjøp for andre» vil vere eit godt alternativ?
Med "Kjøp for andre" kan du administrere og kjøpe billettar til andre reisekort. Praktisk for deg som ønsker å kjøpe billett til barna eller andre familiemedlemmar.
"Kjøp for andre" vil også bli mogleg å gjere i den nye appen.
Kva skjer med billettar eg allereie har på reisekortet?
Billettane på reisekortet blei med vidare etter vi byta nettbutikk.
Kva treng eg å gjere om har fått eit nytt reisekort?
Bruker du ikkje lenger reisekortet som er lagt inn i nettbutikken og har fått deg eit nytt, treng du å oppdatere kortnummeret som er registrert i nettbutikken. Dette skjer ikkje automatisk dessverre.
Er det endringar i billettane?
Nei og ja. Alle periodebillettane du kunne kjøpe for bussen i den gamle nettbutikken, kan du kjøpe i den nye nettbutikken også. I tillegg kan du kjøpe FRAM Ung, FRAM Student og FRAM Vaksen i nettbutikken. Periodebillett 24 timar og billett til hurtigbåt blir tilgjengeleg seinare.
Vil det kome ny FRAM-app også?
Ja, det kjem ein ny FRAM-app seinare i år, men her vil vi komme med eigen informasjon. FRAM-appen som blir brukt i dag vil framleis vere tilgjengeleg til vi er trygg på at den nye er klar til å dekke alle behova.
Viktige datoar
18. april
Den gamle nettbutikken blei deaktivert, og du kan ikkje lenger bruke den gamle nettbutikken etter at den nye nettbutikken blei lansert. Funksjonaliteten for å fylle og sjekke saldoen på verdidelen på reisekortet blei borte frå nettbutikken. Billettar og verdi du allereie har på reisekortet er ikkje borte på grunn av det.
1. november
Frå denne datoen vil det ikkje lenger vere mogleg å fylle og bruke verdidelen på reisekort på bussane, hurtigbåtane eller trafikkterminalane heller. Datoen er forlenga frå 1. august. Du kan fortsette å bruke reisekortet til periodebillettar.
Nettbutikken
Her er den nye nettbutikken. For å enkelt komme rett til nettbutikken, bruk knappen på forsida til frammr.no
Publisert 01.03.2023